Дэлхийг уйлуулсан Аннабель Питчер

 “Моя сестра живёт на каминной полке” А.П

Өөрийн нүдээр бус 10 настай хүүгийн нүдээр хорвоо ертөнцийг тольдсон тэмдэглэл. 

Лондонгийн жирийн л нэг гэр бүл. Амралтын өдөр бусдын л адилаар зугаалан Трафальгарскийн талбайд өдрийг өнгөрүүлж байв. 2 ихэр охин нь талбай дээгүүр гүйж тоглосоор холдох үед аав нь охидоо дуудаж байхад ээж нь харин охидыг зөнгөөр нь орхихыг хүсэж байлаа. Роза зөрүүд хүүхэд тул аавынхаа дуудахыг үл тоон цааш гүйж одоход Джас аав руугаа гүйсээр ирэв. Гэнэт дэлбэрэлт болж.. Розагийн бие 10 хэсэг хуваагдсан байлаа.. Мусульманчууд талбай тойрон байрлах 20 хогийн саванд тэсрэх бөмбөг нуусан байжээ.. 

..Хүмүүс бүгд уйлж байхад би уйлаагүй. Бүх зүйл ард хоцорсон, бүх зүйл сайхан болно гэж байсан ч энэ нь миний хувьд ямар ч өөрчлөлт авчраагүй бөгөөд харин ч бүхнийг дордуулсан юм. Розагийн үхлээс болж эцэг эх минь салж, Джас бид 2 төрөлх нутгаа орхин аавтайгаа хамт өөр хот руу нүүж билээ. Шинэ гэртээ ирээд байдал улам л дордож байв. Хичээлээ тараад гэртээ ирэхэд нэг л тийм “ХҮЙТЭН”, “ХАРАНХУЙ”. Гал тогоонд бэлдэж базаасан юу ч байхгүй. ААВ гэж хашгирмаар санагдаж байсан ч анир чимээгүй яг л энэ байдлаараа үргэлжлэх вий гэдгээс маш их айж байсан тул амнаас минь авиа ч гардаггүй байлаа. 

Гайт 9 сарын 9-ний тэр өдрөөс хойш аав минь мусульманчуудыг үзэн ядаж, лонхтой найзлах болсноор өдрийг өнгөрөөдөг болов. Нэг ёсондоо Роза үхсэнээр Джас бид 2 аав ээжийн ой тооноос арчигдсан мэт байлаа. Тэр урьдын адил тоглож, ярилцахаа больж. Зөвхөн л уудаг болж. 

Хөл бөмбөг, хүн-аалзанд дуртайг минь осолгүй л мартчихаагүй гэдэг нь ээжийн өгч явуулсан төрсөн өдрийн бэлэгнээс харагдаж байсан хэдий ч энэ бэлэг хожимдож ирсэнд нь гайхах зүйл байсангүй...

10 настай хүүгийн дотоод сэтгэлд ийм л зүйлүүд болж байсан юм. Тэр архи уудаггүй аавтай, орхиж явахгүй ээжтэй болохыг хүсэж байсан юм. Джэймигийн хувьд гэр бүл гэдэг зөвхөн Джас болж хувирсан юм. Гэхдээ, гэхдээ хамгийн сайхан зүйл нь төгсгөлд бий болсон юм. Энэ үед ямар ч хүн биеэ барьж чадахгүй биз ээ. 

..Джас яг л сахиусан тэнгэр шиг дуулдаг. Түүнийг дуулж дуусахад үзэгчид бүгд л биширч орилж байсан ч би тэднээс илүүтэйгээр чанга орилсон. Өөрийгөө тайзан дээр байгаагаа ч мартаж, телевизийн бичлэгийг ч хайхраагүй. Зөвхөн Джас болон түүний дуунд л бүх анхаарлаа хандуулсан байсан юм. Учир нь Джас бүх зүрх сэтгэлээсээ тэр дууг дуулсан болохоор тэр. Шүүгчид Джасыг тэнцүүлж харин намайг хассан юм. Үүнийг Джас зөвшөөрсөнгүй. Я не стану выступать без Джейми. Я не брошу своего брата. Семья должна держаться вместе!

Эгч маань надгүйгээр дараагийн шатанд оролцохыг хүсээгүй. Гэр бүл бие биенийгээ орхих ёсгүй шүү дээ. Эцэг эх 2 маань үзэгчдийн суудалд сууж байсанд би баяртай байлаа. Би ээжид хөл бөмбөг хэрхэн тоглож, яаж гоол оруулсан тухайгаа, халловэний баярын тухай, багш Фармэрийнхээ тухай бүгдийг яримаар байсан ч тэр шал ширтсээр байсан юм. Эцэст нь аав эндээс явцгаая гэж хэлээд гарахдаа урьдын адил мөрөн дээрээс минь барьсан юм даа. 

Я не стану выступать без Джейми. Я не брошу своего брата. Семья должна держаться вместе!

Энэ 3 өгүүлбэрт бүх ертөнц багтах шиг санагдаж билээ. Хүний амьдралд юу ч тохиолдож болох бөгөөд амьдралд хандах хандлагаас тань бүх зүйл хамаардаг болохыг гунигтай-баяртай, өөдрөг үзэлтэй, итгэл найдвараар дүүрэн Джэйми хүүгийн нүдээр илэрхийлж гаргаж ирсэн энэ зохиол орчуулагдаж гараасай гэсэн хүслээр тэмдэглэлээ дуусгая даа. Болжук

Дэлгээтэй номын хуудас салхинд хийссээр хаагдаж

Уух дуртай кофены уур намдсан ч

Уруул хүргэсэнгүй.. харцаа ч шилжүүлсэнгүй

Бие минь цонхны тавцанд  хоргодно,

Дотроо шаналж бас хайрлана

Хавар болж болжмор жиргэж байхад

Хяслангийн хүлээсэнд баригдсаар

Хүлээсээр би тэндээ уусав.. Болжук 

Гарт минь бийр бариулаад хүссэнэ зур гэвэл,

Хэзээ ч инээж байгаагүй мэт

Гэрт гадаагүй алхах хөмсөг зангидагч, хуурмаг инээгчдийн уруулыг

Хайртай ээжийнхээ дулаахан инээдээр сольж зурна

Гарт минь бийр бариулаад хүссэнээ зур гэвэл,

            Энэ дэлхий дээр ганцаараа мэт аяглах

            Өөрийгөө л боддог аминчхан хүмүүсийн бараан өнгийг

            Хайртай аавынхаа цагаахан өнгөөр сольж зурна

Гарт минь бийр бариулаад хүссэнээ зур гэвэл,

Нэгнээ дэмжилгүй зүдэрсэн цагт нь хөсөр хаягч

Бусдад атаархагч өөдгүй залуусыг

Хайртай ахаараа сольж зурна

            Гарт минь бийр бариулаад хүссэнээ зур гэвэл

            Өнгө мөнгөнд хууртаж, өөрийгөө хуурагч

            Үнэ цэнийг үл ухаарагчдыг

            Хайртай эгчээрээ сольж зурна

Гарт минь бийр бариулаад хүссэнээ зур гэвэл,

Хүүхэд насандаа томчууд шиг аяглагч

Хүндлэлгүй, хүмүүжилгүй дүү нарыг

Хайртай дүүгээрээ сольж зурна

            Гарт минь бийр бариулаад хүссэнээ зур гэвэл,

Гартаа барьсан бийрээрээ би, бүгдийг цагаан болгож зурна. 

                                                                                          Болжмор 2014.12.09

Могу я сказать всем ПРИВЕТ..

Рядом с тобой мне тепло и спокойно
И ничего в этой жизни не страшно
И я всегда вспоминаю невольно
Как мы с тобой повстречались однажды -
Встреча была самым ценным подарком
Мне его щедро судьба подарила.

                          Болжмор 

Стивэн Кинг

Далайн давалгаа намайг энэ эрэг дээр гаргаж хаяснаас хойш хоёр өдөр өнгөрлөө. Өнөө өглөө би арлыг бүхэлд нь тойрч үзсэн. Арал ч гэж дээ... Хамгийн өргөн газраа зуун ерэн алхам, нэг үзүүрээсээ нөгөө үзүүр хүртлээ хоёр зуун жаран долоон алхам урт.

Надад харагдсанаар бол энд идчихэж болох зүйл огт алга.

Стивен Кингийн зохиолуудад дуртай хүмүүс хэр их байдгийг мэдэхгүй л юм. Энэ бол Ричард Пайн гэдэг залуугийн өдрийн тэмдэглэл. Сүйрсэн онгоцноос амьд үлдсэн түүнд Чүдэнз, Героин 2-с их юм алга.

Өлсөх нь ойлгомжтой. Загас байхгүй, цахлай л эргэлдэнэ. Хадан дээр сууж байгаа цахлайг барих гэж яваад шагайгаа гэмтээснээр героинтой нөхөрлөж Пайны элийрэл эхэлдэг юм. Өвдөлтөө тэсвэрлэж чадалгүй героин хэрэглэж тэр хөөрөлдөө автан хөлөө шагай хэсгээрээ тайрч авна. Тайрсан хэсгээ хаясан гэж бодож байна уу?

Тэр зүгээр л сайтар угаагаад дараа нь идэж орхисон. Гэхдээ түүхийгээр нь. Түүхий мах идвэл “Буруу эргэлт” цуврал аймшгийн кинон дээр гардаг зэрлэгүүдийнх шиг өмхөрсөн шүдтэй болдог бололтой. Аргагүй дээ өвдөгөө хүртэл тайраад идчихлээр. Уг нь Пайнд чүдэнзнээс их юм байгаагүй атал яагаад болгож идээгүй нь сонирхол татаад байгаа юм.

. ...Зүсэлт хийх шугамаа гуян дээрээ гаргачихлаа. Энэ хэсгээрээ ч бас гайгүй махтай байна. Шүлс асгарахаа больдоггүй юм байх даа. //Пайны тэмдэглэлийн сүүлчийн хуудас//

Бодит амьдрал дээр яг ийм зүйл байгаа болов уу? Өөрөө өөрийгөө алж, өөрөө өөрийгөө үгүй хийдэг..

Пайн мэс засалч болохыг хүсдэг байлаа. Харин эцэг нь шоолж, солиотой амьтан гэж дуудчихаад ахиад нэг стакан дарс аваад ир гэдэг байж. Эцэг нь хорт хавдраар нас барах үед Пайн маш их баярласан. Магадгүй тэр эцгээ үнэн зүрхнээсээ үзэн яддаг байсан байх.

Бага байхдаа хүүхдүүдэд их дээрэлхүүлдэг байсан болохоор өөрийг нь дээрэлхдэг байсан хүүхдийн шүдийг 10 доллараар сольж авсан удаатай.

Аавынхаа үл тоосон харилцаанаас хүүхдүүдэд дээрэлхүүлдэг байснаас шалтгаалж бусдыг хүн гэж тоодоггүй мөнгөөр бүгдийг шийдэх гэдэг хүсэлтэй болж хуурамч эмийн жор дээр эмчийн гарын үсгийг дуурайлган худалдаалдаг болоход хүргэсэн ч байж магад. Пайн эцэг эхийн хайр гэдэг зүйлийг огт мэддэггүй, бүгдийг новш гэж боддог. Пайны энэ үзэл бодол хаанаас улбаалж бий болсныг зохиол дээрээс тодорхой харж болох юм.

//Тийм жижиг наймаа хийх ямар ч шаардлага байгаагүй мөртлөө сурсан зангаараа л зараад байсан байгаа юм даа. Сул мөнгөнөөс татгалзаж чадахгүй л байхгүй юу.//

Шуналгүй хүн гэж байхгүй л дээ. Ёроолгүй сав шиг л. Мэдээж энэ 2 өгүүлбэрт тавих миний илүүц тайлбар хэрэггүй байх. Би л хувьдаа Стивэн Кингийн зохиолуудыг Аймшгийн гэсэн төрөлд хамааруулахыг хүсдэггүй юм. 

2014.08.21

Мураками Харуки

Энэ номын талаарх сэтгэгдэл тэмдэглэлүүд их байсан ч гэсэн хүмүүсийн хайхралгүй үлдээсэн юм шиг санагдсан тэр жижигхэн юм шиг хэрнээ дэндүү том асуудлын талаар бичих гэж хичээлээ. 

1Q84 Мураками-н сэрэмжлүүлэг

Little people ба Үхэлд хүргэгч зэмсэг

Багадаа хэнтэй ч үг дугардаггүй, найзладаггүй байсан Аомамэ-н гараас нэгэн хөвгүүн барьсан нь хожим "Агаарын авгалдай"-г редакторласан Тэнго гэх залуу байсныг, сул дорой гэмээр ганцаардмал Аомамэ сонин гэмээр итгэл үнэмшилтэй гэр бүлээсээ зугтаж бие хамгаалах газарт багшилдаг болж чухам яагаад Үхэлд хүргэгч хурц үзүүрт зэмсэгтэй нөхөрлөх болсныг, хайр дурлал, үл итгэмээр little people, бидний амьдралаас бас үнэнээс дэндүү хол зөрмөөр мэт санагдах Cult /гаж урсгал/ гэх бүлэглэл, гэр бүлийн хүчирхийлэлд өртөж буй эмэгтэйчүүдийн хүнд хэцүү амьдрал зэрэг бидний зарим нь төсөөлж ч байгаагүй тийм зүйлүүд нүдний өмнө хүрээгээ тэлсээр байгааг харж болох байх. 

Тэнго Аомамэ 2-н өөр ертөнцийн гэмээр бие биендээ тэмүүлэх хайр дурлал надад онцын сонин байгаагүй ээ. Магадгүй энэ хайр дурлал гэгч нь хүн бүрийн уншихыг хүсдэг, бас зохиол болгонд гардаг хүмүүс бие биенээ хэрхэн яаж хайрлаж байгааг харуудаг хэдий ч энэ удаад түр мартах хэрэг гарсан юм.

Аомамэ ганц л найзтай. Найз нь нөхөрт гарч 6 сартай жирэмсэн байхдаа өөрийнхөө амийг хорлодог. Эмэгтэй хүн тэр тусмаа хэвлийдээ үрээ тээж байгаа хүн өөрийнхөө амийг хорлох шийдвэр гаргаж түүнийгээ гүйцэлдүүлнэ гэдэг, ийм нөхцөлд хүргэсэн тэр шалтгаан нь үнэхээр том дааж давшгүй, тэсвэрлэхэд хүнд байсан болохоор л тэр байх. Нийгэмд байдаг гаж, хүчирхийлэгч эрэгтэй хүн тэр тусмаа нөхөр нь. Энгийн бусад хүмүүс тийм гэдгийг нь гадарлахын аргагүй залуу. Гэм нь тэр гаж хүсэлтэй..

Аомамэ төрөлхийн гэмээр чадвартай. Хүний биеийн бүтцийг маш сайн мэддэг. Хурууныхаа үзүүрээр л мэдрэлийн бүх цэгийг олж чаддаг. Найзынхаа нөхрийг /бусдыг ч бас/ зүрхний шигдээсээр үхсэн мэт болгож дээш нь явуулсныхаа дараа эмэгтэйчүүдийн эрхийг хамгаалдаг /гэж хэлэх байх/ хөгшин эмэгтэйтэй танилцаж тэдний төвд хандсан эмэгтэйчүүдийн нөхрүүдийг ягл дээрх замналаараа нөгөө ертөнц рүү илгээж эхэлнэ. 

Cult: /Сануулж хэлэхэд энэ гаж урсгалын талаар зохих анхан шатны мэдлэгтэй байхад илүүдэхгүй байх. гэхдээ гүнзгийрүүлэх хэрэггүйг анхаараарай. Сонирхож судалж явж байгаад өөрөө үүндээ хэт автаж амьдралаа үгүй хийсэн хүнийг мэдэх учраас хэлж байгаа юм шүү!!!/ 

Зохиолд дүрсэлснээр анх коммун гэх нэрийдлээр үүсэж байж. Үйл ажиллагаа нь маш нууцлагдмал, гишүүд нь удирдагчийнхаа үгнээс гардаггүй, хүрээгээ тэлж олон мянган шинэ итгэгч нартай болсоор байгаа. 

Хөгшин эмэгтэйн төвд арав орчим настай охин ирдэг ба тэр охин эцэг эхээсээ зугтааж энэ төвд ирсэн /эцэг эх нь коммуны итгэгч гишүүд/ 

Охины сав нь задарчихсан, шалтгаан нь коммуны удирдагчтай холбоотой. ийм болоход эцэг эх нь дэмжлэг үзүүлж. Насанд хүрээгүй жаахан охидыг тэр эцэг эхээс нь авдаг. Яах гэж гэдэг нь ойлгомжтой. Охиноос хэн ийм болгосныг асуухад яагаад little people гэж хариулав?

Өөрийгөө хүссэн хэмжээнд томруулж чаддаг, охины амнаас гарч ирээд байгаа, "Агаарын авгалдай" гэх зохиолд гардаг little people гэгч чухам юу вэ?

Аомамэ-н дараагийн тонилгох ёстой хүн бол удирдагч. Гэхдээ яаж? 

Хэн ч мэддэггүй, коммуныхаа байрнаас төдийлөн гараад байдаггүй тэр эрхэмийг Аомамэ устгаж чадах болов уу? Өрнөл илүү сонирхолтой.. 

Коммун гэх газарт эцэг эхтэйгээ учрах болов уу? 

Хосоороо тэнгэрт мандах сар юуг илэрхийлэв? 

Тэнго Аомамэ? 

"Агаарын авгалдай" зохиол коммуныг илчлэх түлхүүр байв уу? 

Мураками ч тэр Стиг Ларсон ч тэр.. тэдний зохиолууд хийсвэрлэл үү? аль эсвэл бодолцож үзэх зүйл үү?..

2014.09.15

Тэнд, энд, хаа сайгүй тэнүүчилдэг нь БОДОЛ
Тэнд, энд, хаа сайгүй үлддэг нь МӨР
Тэнд, энд, хаа сайгүй 
Тэнд бас энд
Хаа сайгүй
 2014.05.07

Саландер

Карл Стиг-Эрланд Ларсон буюу "Луун шивээст охин" миллениум цувралын зохиолч, Шведийн алдарт сэтгүүлч, тэмцэгч. 
Стиг Ларсоны эцэг эх түүнийг 17 настай байхдаа төрүүлсэн бөгөөд өвөө эмээ дээрээ бага насаа өнгөрүүлжээ.  
Ларсоны эцэг өдөр тутмын сонинд ажилладаг байсан бөгөөд харин өвөө нь нацистыг эсэргүүцэгч байсан байна. Ларсон нь социалист дэглэмийг хамгаалагч бүлгэмийн гишүүн, эмэгтэйчүүдэд эрхчөлөө олгохын тулд босогчдын тэмцэлд хүртэл оролцож явжээ. Тэрээр залуучуудын дунд арьс өнгөөр ялгаварлан гадуурхах үзэл, нацист бодлыг дэлгэрүүлэгч тухайн үеийн Шведийн Баруун жигүүрийнхний талаар олон нийтийн өмнө мэтгэлцээнд оролцож байжээ.
Стиг Ларсон 50 насандаа зүрхний шигдээсээр нас барсан ба цахилгаан шат нь ажиллаагүйн улмаас 7 давхарт байрлах ажлын өрөө лүүгээ явах замдаа нас барсан гэж үздэг. Алдарт сэтгүүлчийн үхэл дэндүү гэнэтийн байсан хэдий ч хамт ажиллагсад нь түүнийг зүрхний шигдээсээр нас барсанд эргэлздэг тухайгаа ч хуваалцаж байж. Хэдийгээр Стиг Ларсон өдөрт 60 ширхэг тамхи татдаг байсан хэдий ч энэ нь түүний үхлийн шалтгаан мөн эсвэл биш гэдэгт одоог хүртэл эргэлзсээр.
Шведэд эмэгтэйчүүдийн эрх маш ихээр зөрчигддөг бөгөөд Стиг Ларсон өөрийн уран бүтээлдээ энэхүү сэдвийг тусган "ХҮНИЙ ЭРХ", "ХАРГИСЛАЛ" гэсэн 2 сэдвийг баримтлан зохиолоо бичсэн нь их амжилтыг дагуулж байгаа билээ.
2014.07.24

Жорж Мартин

Дэлхийн хамгийн нөлөө бүхий хүн Жорж Рэймонд Ричард Мартин. 

Орчин үеийн Америкийн уран зөгнөлт зохиолч, продюсер, утга зохиолын олон улсын шагналт зохиолч Жорж Мартин 1948.09.20 нд АНУ-н Нью Жерси, Бейон гэдэг газар төржээ. Өдгөө 66 настай. 

1970-1980 онд шинжлэх ухааны гайхамшиг болон аймшгийн уран зохиолын төрлөөр бичсэн зохиолууд нь түүнийг амжилтанд дагуулж байсан бол "Гал мөсний дуун" цуврал нь Жорж Мартиныг алдар хүндийн оргилд авчиржээ. 

2011 онд Тайм сэтгүүл түүнийг Дэлхийн хамгийн нөлөө бүхий хүний нэгээр шалгаруулсан байна. 

Тэрээр багадаа ном унших, бичих дуртай байсан бөгөөд хөршийнхөө хүүхдүүдэд аймшгийн түүх зохион ярьж өгдөг байж. Их сургуульд орсоныхоо дараа комик ном бичиж эхэлсэн ба сонирхогчийн журмаар сэтгүүлд нийтлэл бичдэг байжээ. Иллинойсын их сургуулийн сэтгүүлчийн ангийг 1970 онд бакалавр, 1971 онд магистраар тус тус зэрэг хамгаалсан. 

Энэ үедээ тэрээр "Galaxy Science Fiction" сэтгүүлийн 2 сарын дугаарт "The Hero" нэртэй өөрийн өгүүллэгийг хэвлүүлсэн. 

1980-д оны эхээр Холливүүдэд ирж «Красавица и чудовище» дэлгэцийн бүтээл дээр удаан хугацааны турш ажиллаж, «Сумеречная зона» цувралын редактораар ажилласан байна. 

Мартин орчин үеийн уран зөгнөлийг хөнгөн хийсвэр гэж үздэг хүн байсан бөгөөд Жон Толкины "Бөгжний эзэн" зохиолыг уншсаны дараа түүний энэ бодол өөрчлөгджээ. Үүний дараа тэрээр уран зохиолын шинэ төрөлд хүч үзэхээр шийдэж "Гал мөсний дуун" цувралаа бичиж эхэлсэн бөгөөд энэхүү зохиол нь түүнд энэ дэлхийн бүх алдар хүндийг авчиржээ. 

Жорж Мартины тухай товчхондоо ийм байна. Орчуулах гэж домоглочихов уу яав.

2014.07.26 

Гейшагийн дурсамж

Ээжийнх нь бие нь өвдөж, Чио тосгон руу гүгэл авч ирэхээр явах үедээ бэртэнэ. Танака гэх эрхэм түүнд туслан, дараа нь гэрт нь хүртэл очин аавтай нь уулзаж гэртээ хүртэл аваачсан болохоор өөрийг нь өргөж авах гэж байна гэж боддог. Чио эгч Сацугийнхаа хамт галт тэргэнд суух хүртлээ ноён Танака өөрсдийг нь өргөж авч байна гэсэн итгэл тээсэн хэвээр байсан ч үнэн хэрэгтээ хөгшин эцэг нь 2 охиноо бараг л худалдчихсан юм. Итгэж байсан зүйлс эцэстээ өөр байсныг мэдэх, төрсөн эцэгтээ хаягдах ямар байдгийг санахаас ч аймшигтай, уншихад дэндүү хүнд, итгэхийн аргагүй. Чиогийн гейша болох амьдрал үүгээр эхэлсэн харин эгч нь арай өөрөөр, тодруулбал биеэ үнэлэгч болно. Эгчийнхээ хаана очсоныг нь ч мэдэхгүйн дээр өвчтэй эх, хөгшин эцэг нь яасан талаар түүнд төсөөлөл ч байсангүй. Хацумомогийн хэцүү араншинг тэвчин эгчийнхээ байгаа газрыг хэлүүлж, эгчтэйгээ уулзан хамтдаа оргох байсан ч Чио очиж чаддаггүй. Төд удалгүй ноён Танакагаас эцэг эх 2 нь үхсэн талаар болон Сацу эгч нь оргож очоод тэндээсээ нэгэн залуутай хамт хаашаа ч юм дайжиж алга болсныг дуулгасан захиа авна.

Бүх зүйлийг өөрийнхөө таалалд байлгахыг хүсдэг, бүхний төвд байхыг эрхэмлэдэг, алдаагаа ухамсарладаггүй, атаархуу, өөрөөсөө илүү нэгнийг тэвчиж чаддаггүй... эмэгтэй хүнд тодорхой хэмжээгээр байдаг энэ зан чанаруудын хэтэрсэн нийлэмж бүрэлдсэн хүмүүсийг Хацумомо-р төлөөлүүлсэн мэт санагдсан юм. Салхилаад өнгөрөх үед тухайн газрын бүх зүйлсийн эмх замбарааг алдуулаад орхидог хүчтэй ширүүн салхитай, жижигхэн зүйлээс болж асан юу ч үгүй сүйдэлж орхидог гал түймэртэй зүйрлэмээр санагдаж билээ.

Хацумомо Даннатай /Гейшаг нууц амрагаа болгосон хүнийг хэлдэг ба гейшагийн бүх зардлыг даадаг хүн/ болж чадаагүй ч гэсэн амрагтай байсан юм. Нэг удаа Хацумомо амрагтайгаа байгааг Чио харснаас болж амраг нь уурлаж ахиж Хацумомо дээр ирэхгүй гэж уурладаг хэсэг гардаг юм. Хэрвээ киног нь үзсэн бол яг тэр үеийн Хацумомогийн нүдийг сайн ажиглаарай. Гуйсан, аргадсан, ахиж ирээсэй гэсэн горьдлого тээсэн харц, бас хайр мэдрэгддэг. Гонг Ли энэ дүрийг үнэхээр сайн гаргаж ирсэн юм шүү.

Хүний үгнээс гардаггүй, хэн юу хэлнэ түүнийг нь үг дуугүй биелүүлдэг, өөрийн гэсэн бодолгүй хүмүүсийг Хулуугаар төлөөлүүлсэн мэт. Заримдаа надад манай номын группийн зарим гишүүдийг санагдуулаад байдаг юм. Энэ ном хэр вэ, би ямар ном унших вэ, хаанаас олж авч болох вэ гэж асуудаг болохоор ч тэр юм уу, хүмүүсийн давалгаанд өртөөд байдаг болоод ч тэр юм уу нэг л адилхан хыхы. Өнгөц харвал, нэг зүйл дээр Хулууг буруутгамаар. Нобу санг дуудаж өгөхийг гуйсан Саюригийн хүсэлтийн хариуд Тэргүүнийг дагуулаад ирдэг.  Гэхдээ магадгүй Хулуугийн буруу байсан ч нөгөөтэйгүүр Хулуугийн буруу байхгүй, алдаа хийснээ мэдээд залруулсан ч юм шиг... Магадгүй Хулуу Тэргүүнд үнэнийг хэлээгүй байсан бол Саюри Тэргүүнийг нас барах хүртэл нь хажууд нь байж чадахгүй байх байсан болов уу.

Зайрмаг авхуулж, алчуурыг нь нандигнан хадгалж эхэлсэн үеэс л Саюригийн Тэргүүнийг гэх сэтгэл нь огтхон ч өөрчлөгдөөгүй юм. Өөр хүнийг өөрийнхөө данна болгохгүй гэсэндээ болчимгүй мэт үйлдэл хийсэн ч Тэргүүнийг сэтгэлээ илчлэхэд хүргэсэн тэр цагийг дэндүү удаан, удаан удаан удааааан хүлээж чадсан юм даа.