Гарт минь бийр бариулаад хүссэнэ зур гэвэл,

Хэзээ ч инээж байгаагүй мэт

Гэрт гадаагүй алхах хөмсөг зангидагч, хуурмаг инээгчдийн уруулыг

Хайртай ээжийнхээ дулаахан инээдээр сольж зурна

Гарт минь бийр бариулаад хүссэнээ зур гэвэл,

            Энэ дэлхий дээр ганцаараа мэт аяглах

            Өөрийгөө л боддог аминчхан хүмүүсийн бараан өнгийг

            Хайртай аавынхаа цагаахан өнгөөр сольж зурна

Гарт минь бийр бариулаад хүссэнээ зур гэвэл,

Нэгнээ дэмжилгүй зүдэрсэн цагт нь хөсөр хаягч

Бусдад атаархагч өөдгүй залуусыг

Хайртай ахаараа сольж зурна

            Гарт минь бийр бариулаад хүссэнээ зур гэвэл

            Өнгө мөнгөнд хууртаж, өөрийгөө хуурагч

            Үнэ цэнийг үл ухаарагчдыг

            Хайртай эгчээрээ сольж зурна

Гарт минь бийр бариулаад хүссэнээ зур гэвэл,

Хүүхэд насандаа томчууд шиг аяглагч

Хүндлэлгүй, хүмүүжилгүй дүү нарыг

Хайртай дүүгээрээ сольж зурна

            Гарт минь бийр бариулаад хүссэнээ зур гэвэл,

Гартаа барьсан бийрээрээ би, бүгдийг цагаан болгож зурна. 

                                                                                          Болжмор 2014.12.09