Бүрхэг өдөр
Бороотойд
Цонхон дээр суугаад бороон дуслыг ажиглан 
Цоо ширтэн суух харц, тогтуун
Халуун кофе, ном, бийр, үзэг, цонхны тавцан
Хань болно 
Ховорхон тохиох энэ өдрүүддээ хайртай

Өвдөг дээрээ номоо тавиад
Өөр хэн ч саад болохгүй орчинд 
Өнөөх л дуртай дуунуудаа сонсон
Өөрийг нь халин урсах бодолдоо дарагдана

Бодлоос нь тасран унасан хэсгүүдээ
Бороо болгож өөр дээрээ цутгахыг хүснэ
Бороогоо Мөрөөдөл гэж нэрлээд
Байгаль дэлхийдээ бэлэглэхийг хүснэ..